تونس
قصيدة الشاعرة
جميلة نصيري
تونس
تونس وحدة موش اثنين
من بنزرت لتطاوين
علمها يرفرف في العينين
احمر وابيض اجمل لونين
كلمتنا وحدة ومتحدين
في الفرحة وفي ايام البين
واذا الحاكم ركب قرنين
وولى واحد من الشياطين
وحب يقسمنا شطرين
ساحل شمال وجنوبيين
اولاد بوزيد ليهم فايقين
وللظالم ديما رادعين
باخوتنا في كل بقعة مدعومين
في قفصة وفي الوردانين
يلتحموا بابطال القصرين
في سوسة قالوا رانا معاكم
في الحق نكونوا لولانين
فرسان المهدية طلوا
بالشجاعة مشهورين
صاحوا اولاد توزر قبلي ومدنين
حدود تونس نحموها
كونوا ديما متهنين
نابل وقابس ديما حاضرين
وصفاقص في الوسط تحطت
بالخدمة و بالعزيمة معروفين
تمول فيهم على اليسار وعلى
اليمين
بن عروس للات العين
هي النصرة للمظلومين
واذا تعبوا ترويهم زغوان
بماها
واريانة تعطرهم بماء ورد
بكلو مودة حب وحنين
وترش عليهم القرنفل
ريحان وفل وياسمين
تونس بينا حلوة ومزيانة
وبيها ديما فرحانين
................
جميلة نصيري
ليست هناك تعليقات:
إرسال تعليق