للصدق ضريبته دائما
بقلم صفاء الشلبي
سوريا
لما كنت سنة اولى جامعة تأخرت
عالفحص بسبب المواصلات و لما وصلت متأخرة انا و كم طالبة مامنعرف بعضنا دخلنا عند نائب
عميد الكلية و وقت سأل البنات ليش تأخرتوا؟قالوا ﻹن نحنا جايين من سفر وبيوتنا بعيدة...و
لما سألني قلتلو من زحمة السير..سألني كمان جاي من سفر؟ قلتلو لاء...قام سمح لباقي
البنات بالدخول إلى الإمتحان و إلي ما سمحلي.
كمان بالسنة الأولى كان عندي
حلقة بحث كلفتنا فيها المعيدة و لما رحت ع مكتبة المركز الثقافي و دورت و بحبشت بالمراجع
مالقيت شي يفيد حلقة بحثي ..وبعد كام يوم رحت لعند المعيدة مشان تغيرلي موضوع حلقة
البحث...قامت طلعت غايبة يومتها و ماكان باقي عالتسليم غير اسبوع..لهيك توكلت على الله
و مني لحالي غيرت حلقة البحث و اخدتها جاهزة من رفيقتي...
و إجا يوم المناقشة...و سألتني
المعيدة:آنسة صفاء هاي هي الحلقة يلي كلفتك فيها؟ قلتلا لا والله و حكيتلا شو صار معي..
قامت ابتسمت و قالتلي:شكرا لصدقك و هاي صفر...قلتلا:شكرا ﻹنك بتقدري الصدق....و طبعا
قدمت المادة بدون حلقة بحث و نجحت فيها الحمدلله.
المهم يا أخواتي...لساتني
صادقة بكلشي...و لساتني عم ادفع التمن يا طيبين.
ليست هناك تعليقات:
إرسال تعليق